Um Íverksetarahúsið

Íverksetarahúsið hevur síðani tað varð sett á stovn í 2007 havt sum aðalmál at stimbra og hjálpa íverksetarum, umframt at stimbra íverksetaramentanina í øllum landinum, og soleiðis styðja upp undir menningina av einum fjøltáttaðum vinnulívi í Føroyum.

Høvuðsvirksemið í Íverksetarahúsinum er, at veita almenna og ókeypis ráðgevingin til allar føroyingar ið hava hug og hugskot til íverksetan. Harumframt verður regluliga skipað fyri tiltøkum, skeiðum og øðrum útbúgvingarligum virksemi.

Ætlar tú at byrja egna fyritøku hevur tú eisini møguleika at fáa innivist í einum spennandi og nýskapandi umhvørvi saman við øðrum íverksetarum og lesandi, sum eisini húsast í Íverksetarahúsinum.

Hevur tú spurningar, brúk fyri sparring ella tørv á vegleiðing, set teg í samband við Íverksetarahúsið á iverksetan@iverksetan.fo ella á tlf 239501. Vit hjálpa fegin.