Eftir fýra væleydnað Startup Vikuskifti, gongur leiðin nú til Hvannasunds.
Í samstarvi við Hvannasunds kommunu, fer Íverksetarahúsið vikuskifti 7. til 9 februar norður um fjall, at seta fokus á ferðavinnu. Kommunan ynskir at fáa íblástur og hugskot at menna tilboð og tænastur til ferðavinnuna.
Spennandi verður at síggja hvørji hugskot finnast í einum slíkum lokalsamfelag og hvussu langt tey kunnu røkka. Endamálið er, at arbeiða við ferðavinnu – frá hugskot til sølu, uppá einans eitt vikuskifti.
Málið er, at fáa eitt katalog við hugskotum:
sum kunnu realiserast
sum vísa, at tað ber til
sum vísa, at fleiri kunnu taka stigið
sum geva luttakarunum áræði og eitt netverk til at føra teirra hugskot út í veruleikan.
Við ‘Hugskots kataloginum’ kunnu íverksetarar í Hvannasundi av álvara fara í gond og gera seg til reiðar at taka ímóti fleiri ferðafólkum í summar!
Øll, ið hava hugskot, og sum ynskja at vera við til at styrkja og menna útboðið av ferðavinnu møguleikum í Hvannasunds kommunu, eru vælkomin at luttaka. Tiltakið er ókeypis!
Vit byrja fríggjakvøldið 7. februar kl. 18 við fyrilestrum og hugskotum. Síðani koma luttakarnir at arbeiða í bólkum leygardagin og sunnudagin. Tiltakið endar sunnudagin seinnapart við framløgum, har tað besta hugskotið verður virðislønt.
Sí Facebook her
